اڼتقام
اڼتقام
المحتويات
جوزي قرر يجيب مراته التانيه تعيش معايه في نفس البيت
بعد ما خلصوا شهر العسل مع انه قالي انها عندها شقه هي هتقعد فيها
بعدها حماتي قالتلي معلش مش هينفع نسيبها لوحدها في شقه بعيد عن ابني وانتوا كده كده ربنا ما رزقكمش بعيال عشان مش بتخلفي
فهنخليها تقعد في الاوضه التانيه اللي المفروض كانت للعيال
أنا مش متخيلة ان الاحداث بتمشي بسرعة كده وانه ساب أمه تكلمني بالشكل ده
كله بسبب حماتي أمه اللي عماله تقوله من حقك تتجوز ومن حقك تخلف ليه ما نرضاش بقدرنا وخلاص
ليه مصمم ټجرح مشاعري ليه بتخليني اكرهك وانت اكتر حد كنت بحبه انا قولت خلاص اتجوزت اللي بحبه والدنيا هتبقى حلوة مهما كانت
بس واضح ان الشخص مهما كان بيحبك اهله لو ناس مش كويسين هيتعبوك ويدمروا حياتك
أدهم بقى قلبه مېت بقيت أعيط كل يوم وانا قاعده لوحدي خلاص فاضل ساعه ويوصلوا العريس والعروسه
متجوز واحده امه اللي نقتهاله عشان بتقوله سبتك تنقي جبتلنا خيبه
المشكله ان اهلي ناس غلابه اوي بيقوليلي اصبري يابنتي معاه بدل ما تطلقي وتقعدي في البيت مش لاقيه اللي يصرف عليكي
انا مش مصدقه انه عمل فيا كده بقيت افكر في طلاق وشغل وبيت اهلي وهصرف منين!
ليه كده يا ادهم ليه تسمع كلام أمك بالجحود ده ليه تتغير عليا ويبقى كلامه مالوش لازمه
وفعلا قطع عياطي صوت باب الشقة وهوا بيتفتح وادهم والبنت اللي معاه جم
بصيتلها ودخلت غرفتي وقفلت الباب وبعدها سمعته بيقولها ولا يهمك هي شويه وهتتعود عليكي
وبعدها سمعتهم بيدخلوا الاوضه الثانية لسه ما شبعش منها لحد دلوقتي المفروض اكون انا اللي وحشاه
هوا بجد الرجاله كلهم كده زي ما كانت صحبتي بتقولي وانا اقولها ادهم حاجه تانيه وادهم غيرهم
مش عارفه انا بفكر صح ولا غلط بس الموضوع زاد عن حده أنا طيبة جدا بس لما بحس بخطړ وټهديد بتجنن
بس ماشي يا أدهم انا هوريك هعمل فيك ايه انت وامك ومراتك الجديده
مش هرتاح في ومتي غير لما اخد حقي منكم لاني متعودة من صغري باخد حقي بدراعي احنا غلابة وده خلاني اعرف اخد حقي بنفسي
وتاني يوم صحيت على زغاريط حماتي وهي جايبه اكل وبتزورهم وبتطمن عليهم
انا مش عارفه الست دي پتكرهني كده ليه عايزة مني ايه مش عارفه
المهم في وسط الزيطه صحبتي جت فتحتلها ودخلتها غرفتي وقولتلها ركزي معايه واسمعيني
عشان انا مش بثق في رأي حد غيرك في اي حاجه بعملها انا عايزة انتقم من حماتي وادهم والبنت اللي جايبها
قالتلي اهدي بس وبالعقل انتي عايزة تطلعي بمين
في الاخر
قولتلها اطلع بادهم ويكون عرف قيمتي قالتلي ماشي وقامت مربعه عالسرير ومولعة سېجارة
بس ساعتها عرفت ان في مصېبة جايه قومت
متابعة القراءة
