صدقتها
صدقتها
المحتويات
حضنه المكان الوحيد اللى كنت برتاح فيه زقيته بعيد و لقيت امي واقفة قدامي و شدتني حضنتي
وهي بتتكلم بقلق
كنتي فين انتي كويسة
انا كويسه كنت بايتة عند واحدة صحبتي
اتكلم محمد بعصبية
انتي معندكيش صحاب اصلا
رد عمي
محمد
اسكت انت دلوقتي تعالى يا نورا اقعدي
قعدت جمبه وانا بتنهد
انا اسفة إني قلتكم عليا يا عمي بس كنت محتاجة افصل شوية
ايه اللي جابك يا ماما
عمك كلمني و سألني لو كنتي عندي وانه مش لاقيكي عشان كدا قلقت عليكي و جيت نورا لمي شنطتك و تعالي اقعدي معايا
اتكلم عمي بعصبية
نورا مش هتروح في حتة دا بيتها و مش هتسيبه
بس انا عايزة اروح مع ماما يا عمي
لا يانورا مش هتسيبي بيتك
لو سمحت يا عمي سيبني على راحتي
اتنهد بضيق
ابتسمت و حضنته
طلعت احضر شنطتي لقيت محمد واقف على الباب
انتي هتمشي بجد
مردتش عليه و كملت تجهيز حاجتي لقيته دخل الاوضه و شد مني الشنطة
انتي هتقعدي اسبوع بتاخدي كل حاجتك ليه
شديت منه الشنطة و بصتله برفع حاجب
وانت مالك
اتنهد بضيق
نورا متعمليش فيا كدا بلاش تمشي
لقيت جنة فى وشي كانت لسه هتتكلم لكني سبتها و نزلت
لقيت ماما مستنياني في العربية سلمت على عمي و مراته و مشيت
فضلت طول الطريق سرحانة و ساندة راسي على الشباك
رغم محاولات ماما الكتير انها تفتح معايا كلام لكني فضلت ساكتة
لحد ما وصلنا
اول ما دخلت البيت لقيت يوسف و ريناد اخواتي من ماما
قعدت معاهم شوية و اتغدينا بعدها جه جوز ماما
انا علاقتي بيهم كلهم كويسة لكن جدي مرضاش يخليني اعيش معاهم
عشان مترباش في بيت راجل غريب لكن يا ريته كان سابني عشت معاهم على الأقل مكنتش هكون موجوعة كدا
نيرة وائل
طلعت اوضتي ارتاح فضلت كتير نايمة مصحتش غير الساعة اتنين بليل حسيت اني اتخنقت من الاوضة نزلت اقعد فى الجنينة شويه و اخدت معايا ادوات الرسم بتاعتي
رسمت بنت بټغرق في البحر و افتكرت نفسي لما حاولت اعمل كدا امبارح و جه على بالي خالد اللي انقذني فجأة سمعت صوته ورايا
اللوحة دي حلوة و كل حاجة بس ناقصها انا
الټفت لمصدر الصوت و اټصدمت لما لقيته واقف قدامي
انت بتعمل ايه هنا
ابتسم
مش قولتلك واثق اننا هنتقابل تانى
مش قولتلك هنتقابل تاني
وجهت فرشة الرسم ناحيته بتوتر
انت بتعمل ايه هنا
رفع ايديه لفوق باستسلام و ضحك
حاسبي بس الالوان هتيجي على هدومي
اتنهدت وانا ببعد الفرشة
انت ازاي دخلت هنا
لقيته قعد على الكرسي و حط رجل على رجل
لا بس رسمك جميل
مسحت على وشي بعصبية
يبني انت مچنون لو حد شافك هنا هتبقى مصېبة
قام فجأة و وقف قصادي
خاېفة عليا
بعدت عنه و انا برجع لورا كنت هقع لكنه لحقني
زقيته و وقفت بعيد
انا ممكن اطلب البوليس دلوقتي
اتنهد و هو بيرجع شعره لورا
و هتبلغي عني پتهمة ايه
بصتله بعدم فهم
انت مچنون هو انت مش مدرك انت في بيت مين
هز اكتافه بلامبالاة و مردش
دبيت برجليا في الارض و انا بلف حوالين نفسي
والله مچنون
لقيت يوسف اخويا جاي من برا حطيت ايدي على قلبي پخوف
نهار اسود
بصيت لخالد لقيته بيضحك و بيفتح دراعته
واحشني يا چو
و
متابعة القراءة
