يوم الفرح
تاني يوم فضلت ادور جنبي في الاوضه عليه زي المجنونه كنت مفكرة انه حلم وانه مازال زعلان مني
طلعت برا ادور عليه وفجاة لقيته طالع من المطبخ وهو ماسك في ايده اطباق وبيحطها علي السفرة..حطيت ايدي علي قلبي واتنفست براحة
لقيته قرب مني ومسكني من ايدي وقعدني علي الكرسي وبدا يحط قدامي اكل..وانا تلقائي الابتسامه اترسمت علي وشي
ضحكت ضحكة خفيه وبصتله بطرف عيني..يعني خاېف علي ابنك وبس وانا لا
عمل نفسه بيفكر شويه وبعدين ابتسملي واتكلم وهو بيقعد جنبي..وانتي قبله
النهاية
عدت الايام وبقت شهور لحد دلوقتي لما بقيت في الشهر السابع وكانت بدات الامتحانات..
كان كلامه دايما بيشجعني..كان عمره ما استقل مني ومن قدرتي كان دايما واثق فيا اني قد اي حاجة تتحط قدامه..كان بسبب كلامه دا كنت بقدر اقوم باي حاجة من شغل البيت لاهتمامي بنفسي وبمذاكرتي وعمري ما قصرت في حقه
كنت بروح ازور اهلي كل فترة وبتصل عليهم رغم انهم مكنوش بيسالوا عليا ولا كان ليهم بنت..كانت ماما
كل شويه تقولي جوزك مش هيصبر عليكي كتير وهيطلقك اكيد مهمله في كل حاجة..
كنت وقتها مش ببقي طايقة حاجة بس مع كلام علاء ليا كان بيرسم الابتسامه علي وشي ويرجعلي ثقتي بنفسي
فوقت في المستشفي وابتسمت لما لقيت الكل حواليا وكان اولهم علاء اللي قاعد جنبي وشايل بنتي في ايده..
ابتسمتله بتعب..علاء عايزة اشوفها
حمد لله علي سلامتك يا رحومه قلبي..لحظة واحدة
لقيته بيدي بنوتي لحماتي وسندني عشان اقعد كويس وبعدين اخدها منها وادهالي
ويااه علي جمال الشعور اول ما مسكتها..جسمي قشعر من الجمال..مسكت اديها الصغيرة وبوستها وتلقائي دموعي نزلت
لقيت ماما قربت مني وابتسمت بسخرية وهي بتقولي كلام جرحني..اول مرة اشوف عيله خلفت عيله..اما نشوف هتعرفي تاخدي بالك منها او لا..او يمكن متعرفيش تربيها وتكبر تبقي..يلا بقي هنقول اي
اټجرحت اوي من كلامها وكنت هعيط هو انا للدرجادي عيله ومليش قيمه وقليلة اوي..للدرجادي انا مهمله
كنتي بتستقلي بيا وبتقوليلي اني هسقط او
اخري بالكتير اجيب مجموع اقل من خمسين بس خالفت كلامك ودلوقتي هقدم لكلية صيدله
حسيت وقتها ان ماما ندمت او اتشالت نظرة السخرية وتقليها مني من عنيها..فلقتها بدون كلمه خرجت..
بابا قرب مني وطبطب علي كتفي وابتسم..حقك عليا يا بنتي كنت غلطان في الاول اني كنت بقلل منك بس طلعتي احسن من مېت واحدة..انا فخور بيكي
ابتسمتله وهو خرج لفيت وشي لعلاء لقيته بيبتسم وهو بيبص ليا..اي في اي بتبص ليا كدا لي
واحد وبيبص علي مراته عندك مانع انتي
ضحكت..لا معنديش مانع..سكت لحظة وبعدين كملت بحب نابع من اعماق اعماق قلبي..تعرف اني بحبك يا علائي
ابتسم وباس راس النونو
وبعدين وهمس جنب ودني..وعلائك بيعشقك من اليوم اللي شافك فيه يا رحومتي
وكنت صيادا ترمي بشباكك فوقعت بها حبا
