اسكريبت نيرفانا وسيف مكتملة بقلم زينب سمير

الأمر عنده هي فعلا عندها أستعداد تعمل أي
حاحة علشان تبعد عنه
وهو
هيحقق ليها رغبتها!
جهزي نفسك
رفعت عيونها تبصله كان فات يومين على أخر الاحداث مفكرش خلالهم يكلمها كلمة حاولت هي لكن الرفض كان ظاهر في عيونه ودلوقتي كان أول حوار يوجهولها من أخر محادثة جمعتهم
كمل هنعلن أرتباطنا وجوازنا اليومين دول وهاخدك أعرفك على العيلة
جت تتكلم قاطعها بحدة لو عندك أعتراض يبقى نطلق والطفل أول ما يتولد تنسيه خالص وانا هتجوز جنى وهكتبه بأسمها وأعتقد مش هيكون عندها أي أعتراض
انت بتساومني
قالتها وهي بتبصله بعصبية مكتومة بتحاول تتحكم فيها
بهدوء انا بخيرك لأخر مرة يانيرفانا مش هستنى عليكي زي كل مرة وأضر بمصلحة أبني وآذيه علشانك
بتردد احنا ممكن يعني
بزعيق من غير ممكن مفيش حاجة هتفضل في السر تاني أنت سامعة مش هدخل أبني في حواراتك ويفضل عايش عمره كله في الضلمة بسببك مش هسمح انانيتك تفوز علينا يانيرفانا ابني هيعيش زي اي حد في الدنيا في النور لأب وأم معروفين ويقدر يفتخر بيهم مش هخليه للحظة واحدة يحس بالخجل أو الكسوف مش هخليه في يوم يبصلي بحزن إني ظلمته او جيت عليه كفاية أوي إني ظلمته لما أخترتك أم ليه
بصتله پصدمة ودموع رددت بدهشة سيف!
دي الحقيقة يانيرفانا اللي انا بقيت شايفها وأتمنى أنك تثبتيلي عكسها انا خارج عندي اجتماع هخلصه وأعدي عليكي وأخدك للعيلة هما مستنيين
بس انا حاسة إني لسة مش جاهزة لمقابلة زي دي
لسة قدامك ساعتين أهو جهزي نفسك فيهم براحتك
مبقاش سيف المراعي
بقى سيف اللي ياما سمعت عنه جبار قوي مفيش حاجة بتأثر فيه
بعد ساعتين بالفعل كان قدامها وحاليا هما في طريقهم للقصر كانت قلقانة وخاېفة من المواجهة ومن كل الخطوات اللي بتخطيها لمستقبل مخططتش ليه حطيت أيدها على بطنها بحنان علشانه هي بتعمل كل دا
كلام سيف خۏفها هل هي فعلا بقيت إنسانة بالبشاعة اللي مصورهالها سيف دي وهي مش واخدة بالها!
أنتبه سيف ليها ولحركتها وبسخرية شيفاه السبب في كل اللي انتي فيه وبتتمني لو كنتي نزلتيه صح
بصتله پصدمة مبقاش يتوقع منها غير الأسوء!
بصوت متحشرج نفت بصدق لا والله انا بس كنت حابة أحس بيه
حبتيه
سألها وهو بيبصلها بسرعة خلتها تجفل أرتبكت ومعرفتش ترد
لو حبتيه من الاول كنتي اختصرتي علينا طريق مليان شوك يانيرفانا في الأخر حصل اللي كان لازم يحصل بس مش بالطريقة اللي كنت عايزه يحصل بيها
قال أخر كلامه ورجع ينتبه لسواقته وهي فضلت ساكتة شوية لحد ما خرج صوتها متردد أنت الكلام اللي قولته دا كان حقيقي فعلا مبقيتش عايزني وكارهني كنت مستعد تآزيني لو كنت نزلت البيبي
بصلها في عيونها تماما و الحړقة اللي كنت حاسس بيها أمبارح لو كانت لسة جوايا منك بسبب أجهاضك فآه يانيرفانا كنت هدمرك كنت هوصلك لحالة متتوقعيهاش في حياتك كنت هخليكي كل ما تشوفي اللي وصلتيله ټندمي على إنك فكرتي تنزلي البيبي بس حظك انك كنتي ذكية او طلع عندك شوية أحساس
بصت قدامها بشرود وهزت راسها قبل ما يخرج صوتها علشان كدا انا كنت خاېفة منك وخاېفة أديك كل حاجة عارفة انك ممكن تغدر بيا في اي لحظة ممكن في دقيقة تدمرني لما اقولك مش عايزاك ومبقيتش حباك مثلا وأنت اثبتلي دا دلوقتي
انا كنت عمري ما هآذيكي يانيرفانا أبدا علشان الأسباب اللي في دماغك دي مش هآذيكي علشان سبتيني او مبقيتيش تحبيني انا بآذي اللي بيآذيني وآذيتك ليا إنك كنت هتقتلي أبني قبل ما أعرف بيه حتى متحاوليش تطلعيني بشع علشان ترضي نفسك اه وعلى فكرة بعد كل حاجة ما تخلص والبيبي يتولد انا هطلقك زي ما كنت عايزة اللي بنعمله دا مجرد مسرحية علشان البيبي بس
وصلنا
قالها وهو بيقف قدام قصر كبير قصر عراب
فتحت خدامة ليهم الباب دخل وهي وراه سابقها بخطوة وماسك أيدها في أيده لمح عيلته في بهو القصر مستنياه سحبها علشان تقف جنبه حط أيده على وسطها وهو بيقرب بيها منهم
أول ما لمحتها جنى وبنات العيلة شهقوا پصدمة و نيرفانا سعد!!
وقف بيها قصادهم و أعرفكم نيرفانا مراتي و ام أبني
شهقات صدمة من الكل متجوزين وحامل
الكل بعد كلامه الأخير فكروا إنه يادوب مرتبط بيها مفكروش إنهم وصلوا لمرحلة الجواز!
الجد عراب جايبها هنا لية مفكر إننا هنرحب بيها
جايبها لأنكم لازم تعرفوا إنها مراتي قبل الكل مش مهم ترحبوا بيها المهم تحترموها لأن
صوته أتملى قسۏة وهو بيكمل اللي يقرب منها هي وأبني أويدوسلها على طرف كأنه بيدور على عداوتي
النظرات كانت بتدور حواليها من كل حتة مصډومة متفاجئة الخبر عندها عادي والخبر عندها قاټل!
جنى بصوت مقهور لية لما عرفتني عليها مقولتش إنها مراتك
كانت دي رغبتها أن محدش يعرف بإرتباطنا حاليا ياجنى
انت اللي وديتنا ليها كان قصدك اية باللي عملته تقهرني
تحمحمت نيرفانا قبل ما تتدخل في القرار مصرة توقف البنت دي عند حدها زي ما أرقت نومها كتير قبل كدا وهي مفكرة إن سيف ممكن يتجوزها عليها فعلا في يوم من الأيام الحقيقة هو كان بيحاول يغيظني بيك كان بيحاول وقتها يقنعني ان نعلن جوازنا ولما رفضت كلمني عنك وعن محاولات العيلة انها تجوزكم وجه يعرفني عليكي علشان يغيظني ونجح الحقيقة فقررت نعلن جوازنا فورا
قالتها وهي بتمسك دراعه وتسند راسها على كتفه بوداعة بصلها سيف للحظة قبل ما يبتسملها ويبص لجنى بأسف
دليل أن كل كلمة قالتها حقيقية!
بصتله جنى پقهر
والكل متعجب وأتثبتتلهم حقيقة نظرية وحدة البنت دي مش مجرد واحدة معجب بيها سيف دي واحدة حاببها ومچنون بيها وهي واثقة من دا علشان كدا بتتعامل بجراءة وتعلن عن حبه ليها
وهو مش بيكدبها!
بس بيبتسملها
مش صح أبدا اللي عملته دا ياسيف غلط وغلط كبير كمان البنت دي لا لونننا ولا
قاطع جده قبل ما يكمل جدي لو سمحت مسمحلكش تتكلم عنها بالطريقة دي أبدا أسمها نيرفانا لما تكلمها او تتكلم عنها تناديها بأسمها ومش لازم تكون شبهك ولا لونك ولا تعجبك المهم عجباني انا
بصله بأخر نظرة تحذير و نيرفانا هتقعد هنا يومين لو محستش بترحيب منك ومحستش براحة وسطكم انا هاخدها وهمشي مش هقعد في مكان مراتي مش مرتاحة فيه
بيعلن عصيانه عليهم علشانها من اول يوم
سحراله
أكيد سحراله
لأن دي مش تصرفات سيف الدين عراب
كلام كان بيتردد في دماغ كل الموجودين!
في جناحهم اللي في القصر كانول قاعدين سوا بعد ما طلعوا من مقابلة العيلة اللي مكانتش كويسة بما يكفي ولا سيئة للحد اللي اتخيلته
كانت سرحانة فيه وفي كل تصرفاته معاها
بتفكر قد أية كان سند ليها في كل الأوقات بينقذها في كل المواقف بيستحمل منها أفعال مش مسموحة لغيرها
اي حد عارف بحكايتهم بقى بيلاحظ قد أية هو ضعيف اتجاهها
كانت مكدبة دا بس بدأت تصدقه بس بعد فوات الآوان!!
حتى قسوته عليها مبتكملش كل مرة بيعرف يضعف ويرجعلها مسالم تتمنى كمان قرار طلاقهم يرجع فيه سيطرتها عليه قوية
هو مسيطر على العالم كله إلا هي
وهي ملهاش سيطرة وسلطة إلا عليه ضحكت جواها وهي بدأت تتأكد من جواها من حبه ليها تأكيد بيتحول ليقين
حب حاليا مليان خذلان مجرد خذلان ممكن تقدر تسيطر عليه وترجع مشاعره ليها مجرد حب وبس
خرجت من شرودها على صوته و تحبي نعمل أية نعلن جوازنا ونقول إنه تم من فترة ومحبناش نعلن عنه علشان خصوصيتنا ولا نطلع إشاعة اننا مرتبطين ونأكدها ونعمل فرح
بصتله وقرارها أول مرة يكون حاضر الحقيقة هي الحل دايما
لكن قبل ما ترد أتصالات متكررة فجعتهم
مسكت فونها وردت كانت جولي و الحقي ياناني أحنا في مصېبة في صور أتسربت ليكي وانتي نازلة مع سيف من بيته وصور ليكي قدام عيادة الدكتورة والكل بيتكلم ويقول ان بينكم علاقة و
يتبع
ل زينب سمير
8
الأخير
نيرفانا كانت مصډومة وهي بتسمع كلام جولي هي دي الأخبار اللي حاربت طول الفترة اللي فاتت علشان متحصلش لكنها في النهاية حصلت!
بصت لسيف اللي كان بيسمع الخبر بملامح ملهاش تفسير
خرج صوتها متردد هنعمل اية
مش هينفع نعمل فرح هنعمل بلبلة على الفاضي هنعلن جوازنا فورا
أزاي
بيان صحفي من وكالتك مع صورة لقسيمة الجواز وفي اقرب ظهور ليا أو ليك الصحافة هتكون موجودة هندلي بتصريح صغير وخلص الموضوع
وطبعا
مش هنقول أنك كنت رايحة تجهضي البيبي هنقول إنك كنت بتكشفي وعرفتي إنك حامل
تمام هكلم جولي وأخليها تنزل بيان صحفي بسرعة
بعد شوية انتشر البيان يبين العلاقة اللي بتجمع بينها وبين سيف الدين عراب
قد انتشرت بعض الأخبار والإشاعات الكاذبة حول وجود علاقة غير شرعية بين نيرفانا سعد ممثلتنا ورجل الأعمال الشهير سيف الدين عراب لذلك وجب التوضيح والنفي لتلك الأخبار السيد سيف الدين متزوج من نيرفانا منذ أكثر من عام ونصف في إطار زوجي شرعي يعلم به كل المقربين وتم التكتم على الزواج بناءا على رغبتهم لأنهم لا يريدون أن تلتف الأضواء حول حياتهم الشخصية
وهذة صورة قسيمة زواجهم بتاريخها الحقيقي
ومن هنا نحب أن نبارك لهم
فقد وضحت لنا السيدة نيرفانا إنها حامل في حوالي شهرين
أتنهدت نيرفانا براحة وهي بتقرأ الخبر بدأت تقرأ التعليقات ووزي توقعت كانت منقسمة
الله جوازة الموسم بالنسبالي الأتنين قمر مع بعض
واحد زي سيف الدين دا هيبوص لمين غير لواحدة زي نيرفانا! حقه يحبها ويتجوزها في السر ويخبيها عن عيون الكل
باين اوي أنه فوتوشوب وعملوا كدا علشان يداروا على الڤضيحة
وافقت عليه بسبب فلوسه أكيد شهرين ونسمع أنفصالهم
اية الأبن المحظوظ دا! امه نيرفانا سعد وأبوه سيف الدين عراب
خدها علشان عجباه واضح إنه مش هيكمل في الجوازة دي وهيسيبها أول ما يكتفي منها
كان نفسي يعملوا فرح كنت متأكدة إنه هيكون أسطوري
وآلاف التعليقات من كل النوعيات أتنهدت براحة أن الوضع رغم سوءه مطلعش بالسوء اللي توقعته
خبطات على الباب ودخلت خدامة من خدامات القصر
نيرفانا هانم العشا حاهز وعراب باشا بيقولك تنزلي تتعشي معاهم
بصتلها بقلق جواها خوف من لقاءها بالعيلة تاني سألت سيف تحت
لسة مجاش بس في الطريق
امم
محبتش تكون ضعيف وتهرب من المواجهة مش هي دي شخصيتها
وقفت وبضهر منصوب قالت نازلة
مساء الخير
قالتها وهي بتدخل أوضة السفرة كان الكل قاعد فيها البعض رد وفي اللي هز راسه بتحية واللي تجاهلها مهتمتش وبصت للسفرة بحيرة مش عارفة تقعد فين!
حست بأيد بتتحط على وسطها وريحة سيف اللي عرفاها غمرتها قبل ما يميل يبوس جبينها و حبيبتي
أبتسمتله بخفة سحبها من أيدها وراحوا ناحية كرسيين فاضيين سحب واحد ليها علشان تقعد
صوت مجهول بالنسبالها قال بتسرع دا مكان جنى
بلا مبالاة رد سيف وبقى مكان مراتي جنى تقعد في أي مكان
وهي بتلف علشان تقعد لمحت جنى واقفة عند
باب الأوضة متجمدة وبتبص للي حصل بوجه شاحب للحظة صعبت عليها!
بس
متكلمتش قعدت جنب سيف وبهمس لو كدا انا ممكن اقعد في أي مكان عادي
حط ايده على ايدها و مكانك جنبي دا عمره ما كان مكانها
ساد صمت مطبق وهما بياكلوا لحد ما أتكلم الجد بما ان جوازكم بقى أمر واقع علينا خلاص فلازم نعمل اللازم عايزين نعمل حفلة
قاطعه سيف احنا مش هنعمل فرح
عراب بجدية مش فرح هنعمل حفلة كأنها احتفال بالحمل ومنها نوضح أن جوازكم حقيقي ومفيش أعتراض عليه ونكتم ألسنة الصحافة
هز سيف راسه ببطء وهو بيدرس الفكرة في دماغه و فكرة كويسة نعملها
كانت نيرفانا بتسمعهم من غير رد وبتبص للأكل من غير نفس لاحظها سيف مال ناحيتها وعيون الكل عليهم يهمسلها في اية الأكل مش عاجبك ولا اية انا انهاردة خليتهم يعملولك كل الاكل اللي بتحبيه
لا جميل هاكل أهو
قالتها وهي بتمسك معلقتها وتاكل لحظة أتنين
قبل ما تقوم وتجري على الحمام والبيت كله وراها
دخلت الحمام وقفلت الباب وراها سيف بقى يخبط وينادي عليها پجنون نيرفانا مالك في اية أفتحي الباب دا
ست من العيلة متقلقش عليها دي معدتها بس مستحملتش ريحة الأكل علشان حامل وكدا
بصلها بقلق و مش حاجة خطېرة يعني
لا لا بتحصل لأي ست حامل
بصلها بشك قبل ما تفتح نيرفانا الباب وباين عليها التعب قرب منها سيف يحط أيده على جبينها ويبصلها بقلق و أنتي كويسة تعالي نروح لدكتورة او ادخلي ارتاحي وانا هطلبها تيجي هنا
تدخل حد من البيت ملوش داعي ياسيف هي بس ترتاح وهنخلي حد من الخدم يعملها حاجة سخنة تشربها
بصلها بتشوش هزت هي راسها و متقلقش زي ما قالتلك طنط دي حاجة عادية هشرب حاجة دافية وهكون كويسة
هز راسه وسكت
فات كام يوم كانت الأجواء هادية خلالهم ونيرفانا شوية بشوية بدأت تتعود على القصر وأهله وهما كمان حاجة بس كانت بتأرق نومها كلام سيف الأخير ليها قبل ما يجوا القصر
ورغبته في الطلاق بعد الولادة أيوة هي اللي مبقيتش عايزة تطلق!
هنا بطريقة ما حست إنها وسط عيلة وناس وونس بعد الوحدة اللي كانت عايشة فيها بقالها زمن حبت الأحساس
دخل سيف بصتله بلهفة بقى تعامله معها مختلف تحت بيعاملها بأحسن طريقة قدامهم وهنا دايما ساكت وبعيد!
نطقت أسمه بشوق سيف
بصلها من غير رد خفت حماسها و أنت لسة زعلان مني
بسخرية أنتي شايفة كل اللي حصل دا ميستحقش مني إني أزعل وأتضايق
عضت على شفتيها بندم و مش قصدي انا عارفة إني كنت غبية طول الوقت وانا غبية من أول لحظة بس
بصت للأرض و ممكن تقول إني مكنتش مصدقة من البداية أزاي واحد زيك ممكن يحبني انا! أكيد هكون محرد رغبة او نزوة في حياته من أول لحظة شفتك فيها وانا متأثرة بيك كنت عارفة من جوايا لو ضعفت لمشاعي هحبك علطول وقتها لما تبعد عني وتكتفي انا هدمر مكنتش حابة كدا فقولت أرسم حتى لو عليك القوة واني مش ضعيفة بيك علشان لما تمشي أبقى قادرة ابصلك وانا مرفوعة الراس مش ضعيفة ومکسورة
كل ما كنت بتعملي حاجة او تقدملي حاجة أو تبصلي بطريقة كأني الست الوحيدة اللي في عينك كل ما بقلق عليا منك أنت قادر تحسسني اني أحسن ست في الدنيا وبالتالي هتبقى قادر أنك تحسسني إني مساويش حاجة في أي لحظة وبرضوا ببصة من عينك
كنت بسمع الإشاعات التوقعات قابل سيدة الأعمال كذا وأحتمال وجود أرتباط بينهم بنت عيلة كذا بنت وزير بنت سفير بنت عمه البنات بتحاوطك الكل عايزك مين انا جنبهم
خلفيتي أية بالنسابلهم صفر
علشان كدا كنت ببعد وبستغل أي فرصة علشان اقول إني عايزة أبعد علشان اثبت لنفسي قبلك إني قوية على مشاعري وإني انا اللي طلبت الإنفصال في أي وقت أنت قررت فيه إننا نسيت بعض
تفكير غبي عارفة بس دا كان تفكيري دي كانت مخاۏفي
فكرت أنزل البيبي علشان خۏفت عليه خفت يتولد ويتقال عليه نتيجة نزوة بين رجل اعمال وممثلة عجبته انا مكرهتوش انا عملت كدا من حبي ليه
كان بيبصلها ويسمعها من غير جمود
أعطاها فرصة بأنه يفكر كأنها هي بأفكارها دي ومخاوفها وبطريقة ما عذرها
افكار غبية وتخاريف بس طالاما هي مصدقاها فأكيد حولت حياتها چحيم!
بصتله بدموع وكملت متطلقنيش ياسيف انا بحبك!
مستناش تكمل قرب منها بسرعة وخطڤها في حضنه الأعتراف دا اللي أستنى يسمعه من أول لحظة شافها فيها!
وانا كمان بحبك بمۏت فيك مچنون بيك مهووس يانيرفانا مهووس ومش لاقي علاج من حبك ومش عايز
مش هتسيبني
مش هقدر حتى لو عايز مش هقدر
أبتسمت وسط دموعها
هو دا سيف وهي دي حكايته
مهما جمد وقسى قلبه
من كلمة منها من همسة
من اعتراف وقبله بيكون صفى وسامح
وفاتح دراعاته اللي دايما جاهزة لإستقباله نيرفانته!
في الحفلة كانت جميلة كعادتها ساحرة ماشية معاه تستقبل الناس ببسمة خفيفة لطيفة واثقة جنبها سيف بيبصلها كل لحظة والتانية بنظرات حب مش قادر يخبيه أو يداريه
جده اللي بيراقبه بعيونه جتله لحظة أدراك أن الست دي مش مجرد ست في حياة حفيده وهتمر مش مجرد زوجة عادية حتى دي عالم حفيده الجديد اللي ميقدرش يقرب منه ميقدرش يآذيه فيه أتنهد وهو بيقر إنه حتى حب نيرفانا كانت هادية ولطيفة وخلال ايام قدرت تكسب محبة الكل
قرب منه علي حفيد من احفاده والإحراج باين في عيونه و جدي ممكن أطلب طلب
بصله وهز راسه بيحسه يتكلم
لفت عيون علي في المكان حواليه بتوتر قبل ما تقع على جنى و انا بطلب منك أيد جنى بنت عمي
بصله الجد وأبتسم علي الحفيد الهادي الراسي اللي عايش في عالم لوحده طلع من قوقعته وحارب خجله
شكله الحب!
مش هتلاقي أحسن منك هعرض عليها وأرد عليك
هز راسه ومشى بسرعة وسط مراقبته جده ليه
علي كان زمان شخصية مرحة لطيفة فجأة خد جنب
من ساعة ما أعلنوا وبدأوا يقولوا أن جنى لسيف وسيف لجنى!
معقول هو خد قرار غبي زي دا وكان هيدمر بيه حياة أحفاده من غير ما يحس!
لا سيف عايز جنى ولا هيقدر يبسطها
ولا علي كان هيخدها وهيعيش حزين!
بص للسما وأتنهد بصوت عالي الحمدلله أن الأمور أتصلحت
بعض الصحافيين الموثقين وصلوا سحب سيف نيرفانا معاه وقربوا منهم و أهلا هنرد على كل أسئلتكم بس مش عايز تدافع أو فلاشات كاميرا كتير
هز الصحافيين راسهم وبدأت الأسئلة تنهمر عليهم
أمتى أتعرفتوا على بعض قرار الجواز جه أمتى كنتوا هتفضلوا مخبيين جوازكم لولا خبر الحمل ولا لا هل سبب سرية جوازكم ان العيلة كانت رافضها بسبب تفكيرهم في جوازك من بنت عمك جنى
وكتير من الأسئلة
شاورلهم سيف يهدوا و شوفتها في حفلة من سنة وعشر شهور وتلت أيام تحديدا من أول ما وقعت عيوني عليها وانا عرفت إني عايز الست دي تكون مراتي أتعرفنا وأتكلمنا لمدة شهر مشاعرنا كانت متبادلة قررنا نتجوز بس محبناش نعلن جوازنا علشان خصوصيتنا عملنا أحتفال بسيط لينا سوا العيلة كانت عرفاها وحباها دا في لقاء قريب وصور أتصورت ليه كان جامع بين مراتي وبنت عمي وهما بيتكلموا ويضحكوا سوا
لما جنى ونيرفانا اتقابلوا في حفلة وجنى كانت مرحبة بنيرفانا لأنها ممثلتها المفضلة
دا أكبر دليل ان مفيش اي مشكلة بين مراتي وعيلتي جنى بنت عمي وأختي وبنظهر سوا لأن هي بدأت تشتغل في الشركة وهتمسك نصيبها وورثها لوالدها الله يرحمه فأنا بجهزها علشان تقدر تمسك منصبها وباخدها معايا لكل الحفلات علشان الكل يعرف مين هي
بكدا ردينا على كل اسئلتكم شكرا ليكم
مشيت الصحافة وقضوا وقت سعيد مع بعض
بعد تلت شهور العيلة كلها قاعدة ملتفة حوالين نيرفانا وبطنها المنتفخة تلت أيادي محطوكة على بطنها قبل ما حد ېصرخ أتحرك أهو أتحرك
قربت جنى تبعد أيد بنت عمها و بس دوري دوري
ونيرفانا بتبصلهم ببسمة
كان أول حفيد للعيلة والكل مچنون بيه ومستنينه ومن أول ما بدأ يتحرك والكل لازم يسلم عليه
اتفتح باب القصر وسمعوا صوت سيف كلهم بعدوا عنها وأتعدلوا في قعدتهم بقلق
سيف لو شافهم قريبين منها بالطريقة دي هيقتلهم ويعتبرهم حوالوا ېقتلوها بضيق التنفس حواليها
مچنون بيها والكل بقى عارف دا
بناتي عاملين اية
قولتلك لسة مبانتش إنها بنت ياسيف
انا عندي إحساس إنها بنت
قالها وهو بيقرب يقعد جنبها ويحضنها ويحط هو أيده على بطنها بإمتلاك
والكل بيبص للحظة دي والصورة اللي هما عليها ببسمة
وجنى واقفة جنب على دبلته في ايدها وعلي بياخدلهم صورة في السر
تمت
ل زينب سمير