اسكريبت كامل بقلم الكاتبة المبدعة ڤونا

عارف وصلها ازاي
أتكلم أبويا بغضب_وه وهو معرفش هي مين ولا بت مين
وسمير كان بيحاول يكتم غضبه_متجلجش يا خالى طمن مريم وسيبلي الموضوع ده أنا هتصرف
_لاء يا سمير يا ابني أنا مش عايز ادخلكم في مشاكل
اوعي تجول اكده يا ولدي إحنا أهل
_متخافش يا خالى أنا هتصرف متقلقش طول م أنت ومريم هنا أنتم في أمان بس لو تسمح يا خال أتكلم مع مريم شوية
اتنهدت_مريم دلوقتي نايمة يا حبيبي لما تصحي هقولها وهبقي اقولك
_تمام
ڤونا
صحيت من النوم مش عارفه نمت قد ايه ومش فاكره غير أني كنت بعيط في حضڼ بابا
قومت وغيرت هدومي ونزلت تحت لقيت بابا قاعد مع تيتة وبياكلو كيك
_خيانة بتاكلو من غيري
ضحكو فقربت منهم وقعدت جنب تيته
_وده ينفع برضو يا بتي تعالي تعالي كلي يلا افتحي بوجك
فتحت بوقي وحطتلي حتة كيك كبيرة في بوقي
ضحكت وأنا بتكلم بصعوبة_كل دي يا تيتة
ضحكنا وقعدنا نهزر شوية
_مريم حبيبتي
نعم يا بابا
_سمير عايز يتكلم معاكي شوية
استغربت_ ف إيه
_أنا حكيتلهم علي أدهم
بصيتله وبعدين أتكلمت بهدوء_وبعدين
_وسمير هيساعدك
اتنهدت بحزن_مش هيعرف يا بابا بلاش أنت عارف أن أدهم شړاني وممكن يضره
متجلجيش يا بت خالى
بصيت علي سمير اللي كان نازل علي السلم
متجلجيش ومتشليش الهم خلاص الموضوع ده في يدي أنا بس عايز أتكلم معاكي شوي
بصيتله وبعدين بصيت لبابا فابتسملي بحنان وهزلي رأسه
_تمام
بالفعل روحت وراه فضلت ماشيه وراه لغاية ما وصلنا لجنينة تقريبا في ضهر البيت بس شكلها تحفة
_الله
أتكلمت بانبهار وأنا شايفة الورد مالي الجنينة
عچبتك
أبتسمت_دي تحفة فنية
أبتسم بس داري ابتسامته بسرعه
أحم أتفضلي اجعدي عشان نتكلم
روحت قعدت وأنا كل ده عيني علي الورد ومبتسمه
_ممكن تكلميني علي الزفت ده
بصيتله شوية وسكت فكمل_متخافيش يا مريم صدجيني هساعدك
اتنهدت بحزن لأول مرة اظهره لحد غير بابا_أنا شوفت منه كتير أوي يا سمير
كان باصصلي بهدوء فكملت_كان أول حب في حياتي كان أول مرة قلبي يدق لحد كنت بحبه جدا وهو كذلك لغاية ما في فترة لقيته متغير معايا وبقي يتعامل معايا بطريقة مش محببه ليا وبقي في تعدي سواء بالكلام أو باللمس وطبعا الموضوع ده كان مضايقني جدا وطبعا مسكتلوش
أنا كنت بحبه فعلا بس توصل للي عمله فمع ألف سلامة
كنت بحاول أمنع دموعي أنها تنزل_لما قولتله إحنا لازم ننفصل فضل ورايا عشان ارجعله بس رفضت وفي يوم كنت راجعه من الكلية لقيته في وشي ومكانش طبيعي
خۏفت!! لاء اټرعبت وحاولت ابعد عنه بس حاول يتصرف معايا تصرف مش كويس وأكيد أنت أدركت قصدي ايه
ساعتها عملتله محضر واختفي من ساعتها بس انبارح اتفاجئت من المسدچ اللي بعتهالي وعرف اني في الصعيد خۏفت وعملتله بلوك بسرعه
_ممكن أشوف الرساله دي
حاضر
فتحت الشات وسمعته الڤويس
شافها بعدين لقيته بيعمل حاجه
_بتعمل ايه
سچلت رقمي عندك أي حاچة تبعتلك كلميني علي طول وأخدت نسخة من الشات وخدت الرقم عندي
_وهتعمل ايه بيهم
عطاني الفون وقام_متشغليش بالك يا بت خالي...عن إذنك
سابني ومشي وأنا فضلت قاعدة مكاني الصراحه مرضتش أقوم كنت مبسوطة بالمنظر
الجو بدأ يليل وبقي في نسمة هوا باردة بس حقيقي كنت مستمتعة جدا
فضلت قاعدة وقت كبير ببص علي النجوم وبضحك
_شكلك اتجنيتي
بصيت لمصدر الصوت لقيته بابا فضحكت_تعالى تعالى
قرب وقعد جنبي فدخلت في حضنه_يا بت أنت لازقة علي طول فيا كده ليه
ضحكت_قاعدة علي قلبك يا حبيبي
ضحك وضمني لحضنه
مر اليوم بسلام وبابا طلع عشان ينام وأنا دخلت المطبخ عشان أعمل قهوة
وقفت في المطبخ بهم_كل ده مطبخ
قولي الله أكبر
أتخضيت وبصيت ورايا لقيته!!
_خضتني يا سمير
سلامتك
بصيتله