اسكريبت نور عيني بقلم الكاتبه فاطيما يوسف

هتقولها لها وفضلوا الاتنين ماشيين جنب بعض نور بتسمع لكلام ميري ونصائحها واللي قررت ان هي فعلا تنفذها طالما ان هي ممكن تجيب نتيجه
ومرت الايام وميري بتنفذ اللي اتفقت معاه مع نور وماشيين تمام جدا اما ادم فمستمر في تجاهله ليها ومركز علي شغله وإن شركته تبقي التوب ونور مش في دماغه خالص
فرجع البيت وكانت مامته وصاحبتها مامت نور قاعدين مع بعض فدخل عليهم وسلم وبيسال عن نور
ازيك يا طنط عامله ايه امال فين نور مش شايفها بقى لي تقريبا شهر هي
كويسه
ردت عليه بابتسامه وهي بتحكي له
هي فعلا الشهر ده كانت مشغوله جدا بتعمل تغيير
جذري في شكلها وفي كل حاجه علشان خاطر اخيرا هتوافق على عرض من العروض اللي بتتقدم لها من جميع القنوات مش عايزه اقول لك بقيت حاجه ثانيه خالص قلعت النظاره وعملت ليزك وبقيت تلبس دلوقتي احسن صيحات الموضة
حس بغليان من جواه من ساعه ما سمع الكلام ده ومش عارف ايه السبب اللي خليه يحس انه مولع من جواه بالشكل ده وسالها بغموض
يعني ايه الكلام ده يا طنط نور قلعت الحجاب وبتلبس خليع دلوقتي
شاورت بايديها برفض وجاوبته
لا يا حبيبي ده ما رضيتش تقلعه خالص وهي ما شاء الله عليها غيرت اه من شكلها ومن نفسها لكن زي ما هي محافظه على احتشامها واحترامها
ارتاح شويه لكن كمل كلامه وسالها
ولما هي ما قلعتش الحجاب ولسه باحتشامها زي ما حضرتك ما بتقولي هتطلع تقدم البرنامج ازاي وهم كان من شروطهم ان هي تقلع الحجاب علشان كده كانت رافضه تماما
جاوبته بابتسامة
لا يا حبيبي ما انت ما تعرفش ان هي كان بيجي لها في الفتره الاخيره عروض انها تقدم عادي بالحجاب وبحريتها لكن هي كانت بترفض من بره بره وانا ما اعرفش لحد ما لقيتها جايه لي وبتقول لي ان هي خلاص قررت انها تمارس المهنه ومش هتضيع الماجستير اللي خدته على الفاضي وهي قاعده في البيت وقالت لي ان هي هتوافق على عرض برنامج السابعه مساء على قناه الام بي سي وجهزت نفسها وخطتها للبرنامج من بقى لها شهر شغاله عليه علشان كده ما بتخرجش كتييير
سمع منها الكلام واستاذن منهم وخرج ركب عربيته وهو مش عارف رايح فين وبعد شويه لقى نفسه قدام الفيلا بتاعتهم ودخل قعد في الجنينه وطلب من البواب انه ينده لنور واول ما نور عرفت ان هو اللي قاعد بره دقات قلبها بقت تتصارع ومش مصدقه نفسها فكلمت صاحبتها على طول وعرفتها ان ادم جالها البيت لاول مره بيسال عليها ومش عارفه تتعامل معاها ازاي فردت عليها صاحبتها
شوفي بقى احنا بقى لنا شهر بدربك على الثبات النفسي وعلى الهدوء وعلى الثقه بنفسك فعايزاكي تخرجي تقعدي قدامه وانت