اسكريبت نور عيني بقلم الكاتبه فاطيما يوسف

معتزه بنفسك وبقيمتك وبمقامك ده انت بقيتي دلوقتي الباش مذيعه
عايزاكي تقعدي وتعملي نفسك ان انت مش فاضيه وكمان ما تحسسيهوش ان انت مهتمه بيه واهم حاجه نظرات عينيك وانت قاعده قدامه ما تضعفيش علشان خاطر يحس إنه هو مش مالكك ومالك دماغك زي الاول
البسي دلوقتي طقم شيك واتاخري عليه شويه علشان ما يحسش بلهفتك ويحس انه دلوقتي ما بقاش من اولوياتك ولا انك تضيعي وقت معاه
وعدت صاحبتها انها هتحاول تنفذ كلامها على قد ما تقدر وبعد شويه تقريبا ربع ساعه كده نزلت له وما سلمتش بالايد كالعاده وقالت له بلا مبالاة
ازيك يا ادم اخبارك ايه
اما ادم عمال يبص على اللي قاعده قدامه واللي شكلها اتغير 180 درجه بقى مصډوم من كتله الجمال والشياكه والتغيير اللي قدامه في ملامحها وفي لبسها ونظرات الانبهار اتحولت لنظرات غير مفهومة وبقي ېحترق من جواه وقال لها باستنكار
هي فين نور أنا مش عايزك إنتي اندهيها
كانت هتتاثر بكلامه لكن افتكرت كلام صاحبتها ونصائحها وقعدت قدامه وحطت رجل على رجل وقالت له وهي بتبص في ساعتها
والله انت لو جاي تهزر وفاضي انا
مش فاضيه وما عنديش وقت اضيعه في كلام فارغ لو عندك حاجه قولها لو ما عندكش اشوف بقى أنا ورايا ايه
علامات الڠضب كلها اتجمعت
قدام عينيه بسبب طريقتها المتغيره تماما ده مش شكلها بس اللي اتغير ده أسلوبها كمان وقال لها وهو بيبص لها پغضب
انت من امتى بقيتي كده وايه اللي عمل فيك كده وبتتكلمي من طراطيف مناخيرك والله العظيم ما ظبطت يا نور لاديكي بالبوكس اطير لك وشك
وقفت قصاده بتحدي وردت على كلامه بتحذير
اولا انا ما اسمحلكش تتكلم معايا بالطريقه دي ثانيا انسى نور اللي انت عرفتها زمان الهبله الطيبه اللي كانت بتتمنى لك الرضا وفي الاخر ما ترضاش انا خلاص ما بقتش انت فارق معايا انا كل اللي فارق معايا حياتي ومستقبلي وفي شغلي ولو سمحت انت اخترت ان انا نكون اخوات يبقى تقف جنبي وتدعمني في مشواري العملي مش تيجي تقول لي اضربك بالبوكس!
هدي من توتره شويه وقال لها باستغراب
انتي من امتى بقيتي كده وايه اللي غيرك بالشكل ده
رجعت لنفسه قعدتها تاني وجاوبته بكل هدوء
اتغيرت للاحسن مش للاسوء عاصرت الزمن اللي احنا عايشين فيه فلازم تشوفني مختلفه لان انا فعلا بقيت مختلفه بره ومن جوه وتعود على نور الجديده لان القديمه كانت بتتداس من الشرق والغرب
رد عليها بنفي
مين قال الكلام ده نور القديمه احلى بطبيعتها وبهدوءها وارق من نور الشرسه اللي انا شايفها دلوقتي ارجوكي ارجعي زي ماكنتي ما تخليش حاجه تضيع منك نقائك
بصت في ساعتها وخبطت على دماغها واعتذرت له وهي بتقوم من مكانها
انا اسفه مضطر اسيبك دلوقتي لان عندي اجتماع في القناه